Едно од решенијата за нискобуџетен одмор е HomeExchange.com, најголемиот светски портал за размена на домови, кој овозможува патување без трошоци за сместување. На порталот се објавени и неколку станови во Скопје, чии сопственици ги даваат на семејства од земји каде што тие заминуваат. Ако четиричлено семејство отпатува во Рим на една недела, со размената ќе заштеди 1.197 евра, покажува калкулаторот на порталот
Сезоната на годишни одмори е во полн ек, а многумина со силна желба да се испружат на некоја плажа, а со тенок буџет, сè уште трагаат по дестинација каде би можеле да заминат.
За среќа, 21 век нуди многу опции, па и такви за нискобуџетни одмори, дури и на места кои важат за многу скапи. Едно од решенијата е HomeExchange.com, најголемиот светски портал за размена на домови, кој овозможува патување без трошоци за сместување.
Со активирање на вашиот имот преку оваа услуга, можете бесплатно да престојувате на местото што сакате да го посетите каде било во светот. Треба само да имате сопствен покрив над главата и подготвеност да му го отстапите некому на користење. Уште подобра варијанта е кога имате викендичка или стара куќа некаде на село или во природа, која би привлекла некого да престојува во неа и за тоа време да ви го даде на користење својот дом, на пример на море или во некој убав европски град.
Порталот работи така што ја нуди вашата куќа или стан во замена за одреден имот каде било во светот. Оваа услуга уште во 1992 година ја лансираше Американецот Ед Кушинс, а денеска, во дигиталното време е широко распространета. Сега концептот е проширен со воведување на принципот на краткорочни размени наместо готовински плаќања.
На глобалната веб-страница HomeExchange.com има околу 270.000 куќи и станови во 145 земји. Се нудат од скромни станови до луксузни вили со базени. На порталот се огласени и неколку станови во Скопје.
Како што пишува Т портал, Хрватска има своја локализирана страница преку која можете да се поврзете на светската мрежа.
-Кај нас моментално се понудени на размена 550 имоти, а интересот за посета на нашата земја е исклучително голем. Со рекламирање на вашиот имот и плаќање на годишна членарина од 160 евра, стекнувате право на неограничен број размени. На страницата има и калкулатор со кој можете да пресметате колку ќе заштедите на трошоците за сместување. На пример, ако четиричлено семејство отпатува во Рим една недела, ќе заштеди 1.197 евра, пишува порталот.
Како член на HomeExchange.com, можете да ја реализирате размената на неколку начини. Ако имате имот на располагање во кој не живеете, тогаш имате предност бидејќи тоа не мора да се случи во исто време. Ако се договорите за истиот термин, го менувате домот во исто време и за исто време. Ти остануваш во домот на тоа семејство, а тие во твојот. Ова е најчестиот начин на замена бидејќи повеќето луѓе го менуваат станот во кој живеат. Но, размената може да се одвива во различно време и за различно времетраење. На пример, во текот на летото можете да одите во дом за размена три недели, а вашите партнери да го користат вашиот дом две недели на есен.
При размена, правило е станот да се остави во истата состојба во која е преземен. Нема целосна безбедност и никој не може да ви го гарантира тоа, така што се зависи од довербата и почитувањето на договорот. Можно е и потпишување договор во кој се наведени вашите права и обврски и детали за користење на сместувањето, а може и да се плати осигурителна полиса. Во случај на мало оштетување (скршена вазна, стакло и сл.), вообичаено е корисникот на сместувањето да го замени или поправи предметот.
