Недостигот од работна сила ги натера газдите да бараат нови начини за наоѓање работници. Дел од компаниите се одлучуваат за увоз на работна сила, а дел со ангажирање на витални пензионери. Голем дел од младите заминаа на работа надвор од државата, а оние што останаа, не сакаат да го губат времето и да работат за ситни пари.
Од Сојузот на синдикати на Македонија сметат дека на овој начин се врши повреда на Законот за работни односи, бидејќи ангажирањето пензионери е, всушност, работа на црно. Од друга страна, пак, од Организацијата на работодавачи на Македонија сметаат дека треба да се направат измени во Законот и да им се дозволи на оние пензионери што можат и сакаат да работат, да бидат ангажирани.
Ангел Димитров од Организацијата на работодавачи на Македонија смета дека во услови кога недостига работна сила во државата, во повеќе сектори и компании, ангажирањето пензионери е еден од начините да се реши овој проблем.
Според него, овој начин на надминување на недостигот на работна сила постои во многу европски држави и добро е да се воведе и кај нас, во услови на недостиг на работна сила.
Би можело да ве интересира: ЖЕНИТЕ НА 64, МАЖИТЕ НА 66 ГОДИНИ ВО ПЕНЗИЈА?
Во меѓувреме, многу компании во државата почнаа да ангажираат пензионери, бидејќи младите си заминаа од државата, а оние што останаа, не сакаат да работат за мали плати. Газдите велат дека повеќе им се исплати да ангажираат пензионери, кои ќе работат хонорарно за помали плати, отколку млади за кои треба да се плаќаат придонеси, кои бараат многу повисоки плати и не ја знаат работата.
Поради тоа, во последно време може да се видат сè повеќе пензионери што работат како келнери, продавачи на сладолед, што работат во киоск…
Целото интервју можете да го прочитате на vecer.press
