Луѓето едвај се навикнаа на еврото па и дуплираните цени, но потоа имате лето и туристи, па повторно скокаат, пренесува ХРТ.
Кочан пченка – евро и пол.
Многу луѓе се прашуваат дали веќе може да се купи нешто за едно евро.
Г-дин Младен Рудела живее во Калифорнија повеќе од педесет години. Тој се занимава со градежен бизнис и неговите месечни примања се триесет пати поголеми од просечниот Хрват. Сепак, тој бил шокиран од цените во Хрватска.
-Слушајте, не знам како луѓето овде можат да живеат со 800, 1000 евра, нето. На пример, од тука се оди на плоштад, кафе или шише вода е поскапо отколку во Беверли Хилс, Дизниленд, изјави Младен Рудела од Задар.
Неодамна бил и во Германија.
-На пример сапун за перење таму некои производи, чинат долар, евро и пол, овде истиот чини пет евра, па тоа е, Боже чувај не, продолжува Рудела.
Два килограми блитва – десет евра.
Имал среќа Јосип од Радовин, па платил четири евра за килограм.
-Да се рачуна во куни, тогаш не би земал леб, би останал без леб, објаснува Јосип.
Бурек две евра, кочан пченка едно и пол евро, „макијато“ од тоа поевтиното евро и пол.
Лукот од десет евра не ги брка вампирите, туку муштериите.
Остана ли нешто за еврото?
-За едно евро? Половина леб. Ништо друго, нагласува Ѕвонимир од Задар.
-Компирите што чинеле три куни, сега чинат три евра, посочува Мила од Задар.
Господин од Нови Сад забележува дека во летниот период секоја недела поскапуваат по продавниците.
-Цените поскапуваат за 20, 30 центи на секои 10, 15 дена. Во суштина, сите производи, така се чувствуваме, заклучува Игор Прешерен од Нови Сад.
Иако, можеби, континенталците ќе речат дека е лесно за Далматинците. Тие собираат пари од туризмот. Ама немаат сите станови и не живеат од туризам, а секојдневната храна ја плаќаат како најбогатите Европејци.
