Сè уште не паднал снег на највисоката јапонска планина Фуџи, што е најдоцнежен датум нејзините падини да се без бела покривка откако се води евиденција која започна пред 130 години.
На врвовите на Фуџи снег вообичаено паѓа на почетокот на октомври, а минатата година првиот снег беше забележан на 5 октомври. Сепак, поради топлото време оваа година, на највисоката јапонска планина сè уште нема врнежи, изјави Јутака Катсута, синоптичар од локалната метеоролошка служба Кофу.
Ова го означи последниот датум откако се достапни компаративни податоци од 1894 година, надминувајќи го претходниот рекорд од 26 октомври - кој беше забележан двапати, во 1955 и 2016 година. „Летните температури беа високи, а овие високи температури продолжија и во септември, спречувајќи пристигнување на студен воздух кој носи снег“, изјави Катсута.
Тој додаде дека климатските промени може да имаат одредено влијание врз доцнењето на формирањето на снежната покривка. Ова лето, Јапонија го имаше најжешкото лето во историјата, односно еднакво на она од 2023 година, бидејќи екстремните топлотни бранови, поттикнати од климатските промени, зафатија многу делови од светот. Планината Фуџи е покриена со снег во поголемиот дел од годината.
Извор: „Индекс“
