Во соработка со Министерството за труд, Центарот за мајки објави “црн список на работодавци“ за декември минатата година во кој се наведени компании што ги прекршиле правата на трудниците и мајките.
На црната листа се наоѓаат работодавци од Ниш, Зрењанин, Зајечар и Нови Сад. Имено, тие ги прекршиле правата на бремените жени и мајките на породилно отсуство, а станува збор за работнички кои претежно работеле во продавници, ресторани, пекари и фризерски салони, пишува РТС.
Најголем пропуст е направен во однос на исплатата на плата за време на породилно отсуство. Често се случува мајките да не добиваат пресметка за плата, а проблем претставува и прекувремената работа. Постојат и случаеви каде работнички добиле отказ, вели Стеван Ѓуровиќ од Трудовиот инспекторат.
Се поголем број мајки и трудници пријавуваат неправилности
Од вкупно 190 наоди на инспекцискиот надзор, установено е дека во 29 случаеви се прекршени правата на мајките и трудниците. Од септември минатата година, во Србија постои и посебна телефонска линија на која може да се пријави ваков тип на неправилности. Оттогаш, SOS телефонот заѕвонил 336 пати.
Казните за непочитување на правата на мајките во оваа земја се движат од 800 илјади до 2 милиони динари.
Следната црна листа на работодавци кои ги прекршиле правата на трудниците и мајките на породилно отсуство ќе биде објавена во првата недела од февруари.
