Секоја трета компанија побарала државна помош за исплата на плати

Секоја трета фирма во земјата побарала помош од државата за да исплати плата. Од околу 21 илјади компании, една четвртина се од најпогодените сектори, што зборува дека и другите дејности се зафатени од кризата. Помошта кон стопанството треба да биде поголема, велат економистите.

Речиси секоја трета компанија во земјата побарала државна помош за исплата на плати за април. Повеќе од 21 илјади компании ќе добијат по минимална плата (14.500 денари) за вработен, како дел од антикризните мерки за ублажување на последиците од коронавирусот. Околу 5000 од овие фирми се од дејностите угостителство, туризам и транспорт, кои беа посочени како најпогодени од кризата предизвикана од вирусот.

Последните податоци на Заводот за статистика, кои се однесуваат на 2019, покажуваат дека во земјава има скоро 76 илјади активни фирми. Најголем дел од нив, околу 80 отсто се фирми со од 1 до 9 вработени.

целиот текст на  Радио слободна Европа