Точното потекло на верувањето не е познато. Според едно од најпознатите толкувања, бројот 13 се поврзува со Тајната вечера, на која присуствувале Исус и дванаесетте апостоли, додека петокот се поврзува со распнувањето на Исус.
Со лошата репутација на датумот се поврзува и историски настан од 1307 година, кога францускиот крал Филип Четврти наредил апсење на витезите темплари токму на петок, 13 октомври.
Подоцна, романот „Петок 13.“ од 1907 година, а особено истоимениот хорор-филм од 1980 година, дополнително го популаризирале суеверието.
Но, дали навистина носи несреќа? Научно истражување од 2004 година, кое ги анализирало сообраќајните несреќи, не открило зголемен број несреќи со повредени во споредба со останатите петоци.
Изгледа дека петок 13. има многу поголема моќ над нашите очекувања отколку над реалните настани.