Сезонската работа претставува одлична можност за дополнителна заработка, стекнување нови вештини и искуства, како и проширување на хоризонтите преку работа во нова средина. За многумина таа е начин да се искористи летниот период продуктивно, да се запознаат нови луѓе, култури и работни практики. Со зголемениот интерес од страна на работодавачите од туристичките земји, особено во регионот, сè повеќе млади, но и поискусни луѓе од Македонија размислуваат за краткорочна работа во странство.
Ги прашавме нашите посетители дали би се одлучиле за летна сезонска работа и каде ја гледаат својата најдобра шанса за ангажман – резултатите откриваат интересни трендови и преференции.
Во тој контекст, на оваа тема, неодамна спроведовме анкета на нашата веб-страница поставувајќи го прашањето: „Дали би работеле летна сезонска работа?" Понудените опции беа следните:
• Да, било каде
• Да, во Хрватска
• Да, во Словенија
• Да, во Грција
Eве ги резултатите:
„Во Словенија би работел, но повеќе би сакал нешто стабилно и на подолг рок – за лето барам нешто поблиску до плажа,“ – коментираше еден од учесниците во анкетата.
2. Нешто повеќе, или 17% од испитаниците одговориле дека би сакале да работат во Грција. Оваа дестинација е привлечна поради туристичкиот бум во летните месеци, големиот број хотели и угостителски објекти, како и блискоста и сличноста во менталитетот и климата. Работата на грчките острови или во популарните приморски места се гледа како добра можност за брза и сезонска заработка, особено кај младите. Сепак, интересот е умерен, веројатно поради јазичната бариера или постоењето на поатрактивни понуди во други соседни земји.
„Во Грција сум бил како турист, ама би пробал и како сезонец – сонце, море и плата, добра комбинација,“ – сподели еден од анкетираните граѓани.
3. 34% или 219 од испитаниците одговориле дека би работеле сезонска работа во Хрватска. Оваа земја важи за една од најпопуларните дестинации за сезонска работа кај македонските граѓани. Туристичката индустрија таму доживува врв во летниот период, со голема побарувачка за персонал во хотели, ресторани и туристички комплекси. Дополнително, близината, сличноста на јазикот и можноста за добра заработка се главните фактори што ја прават Хрватска атрактивна опција за сезонска работа.
„Минатото лето работев на море во Хрватска и имав супер искуство – добри услови, добра плата и плус шанса да запознаам луѓе од цел свет,“ – изјави еден од испитаниците.
4. Ист процент како и за Хрватска – 34% – од испитаниците одговориле дека би работеле сезонска работа, но без разлика на дестинацијата. Сепак, бројот на испитаници што го избрале овој одговор е минимално поголем – 223 наспроти 219 за Хрватска. Овој резултат укажува на високо ниво на флексибилност кај граѓаните, кои се отворени за различни можности, сè додека условите се прифатливи и заработката оправдува заминување од дома. За овие испитаници, клучен фактор е можноста за работа и личен напредок, без притоа да се врзуваат за конкретна локација.
„Искрено, важно ми е да има добра плата и сигурност – дали е тоа Хрватска, Германија или нешто трето, не ми е важно,“ – рече еден од учесниците во анкетата.
Анкетата открива дека постои голем интерес кај македонските граѓани за летна сезонска работа, особено во земји како Хрватска и Грција. Подготвеноста на третина од учесниците да заминат било каде ја потврдува економската реалност, но и отвореноста кон нови искуства. Во наредниот период, овие податоци може да послужат како добра основа за работодавачите и агенциите кои нудат сезонски ангажмани во странство.
Во тек е нашата нова анкета во која прашуваме: Кога би можеле да скратиме од работното време, што би избралe?
Оставете го вашиот одговор ТУКА