Според истражување за самодовербата во американската работна сила, 48 проценти од работниците од генерацијата Z често или постојано се чувствуваат дека не се доволно добри, додека 47 проценти редовно се споредуваат со другите. Оваа несигурност може да влијае и врз работата – од воздржување од изнесување мислења до избегнување нови одговорности.
Големо влијание имаат и социјалните мрежи. Постојаното гледање на туѓи успеси, кариери и достигнувања може да создаде чувство дека младите заостануваат. Така, дури и нормалните грешки на почетокот на кариерата може да ги доживеат како доказ дека не се доволно способни.
Дополнителен притисок создава и брзиот развој на вештачката интелигенција. Истражување на „Галуп“ покажува дека во 2026 година 48 проценти од работниците од генерацијата Z сметаат дека ризиците од ВИ се поголеми од придобивките, што е значителен пораст во однос на 37 проценти во 2025 година.
Сепак, младите работници не се без амбиции. Тие сакаат да напредуваат и да се развиваат, но очекуваат поддршка од претпоставените, јасни можности за напредување и редовни повратни информации.
Затоа, падот на самодовербата кај младите не треба да се гледа само како личен проблем. Влијание има и средината во која растат и ја започнуваат кариерата – од социјалните мрежи и пандемијата до брзите промени на современиот пазар на трудот.