Според објавените анализи, заматеноста на повеќе мерни места ја надминува дозволената граница од 1,5 НТУ. Највисока вредност е измерена во Враништа – 1,89 НТУ, додека кај Општата болница изнесува 1,8 НТУ, кај „Макпетрол“ 1,64 НТУ, а кај градинката „Сонце“ 1,62 НТУ.
Иако предупредувањето е издадено за заштита на здравјето, во соопштението не е наведено дали ќе бидат поставени цистерни или ќе се обезбеди флаширана вода за граѓаните.
Засега нема информации ниту кога се очекуваат новите анализи и евентуалното укинување на забраната.
Ова отвора дополнителни прашања за снабдувањето на домаќинствата, здравствените установи и градинките со безбедна вода.
До следното официјално известување, граѓаните се повикуваат да не ја пијат водата од водоводната мрежа.
