Сезонската работа во Хрватска со години е една од најчестите опции за македонските работници, особено во туризмот и угостителството. Со цел да добиеме реална слика од терен, поставивме едноставно, но важно прашање до јавноста:
Дали би отишле на сезонска работа во Хрватска и дали навистина се заработува добро?
Одговорите што ги добивме најчесто се потврдни а коментарите се искрени и во најголем дел позитивни, особено од луѓе со лично искуство.
„Се заработува – но мора да се работи“
Голем дел од учесниците истакнуваат дека во Хрватска може солидно да се заработи, но само ако човек е подготвен за интензивно темпо и долги работни денови.
„Во Хрватска се заработува, ама не се оди да се летува, туку да се работи. Темпото е тешко, но се исплати.“
Една од учесничките споделува искуство од работа во хотел од познат туристички ланец:
„Работев во хотел на Валамар. Работното време беше и до 14 часа, а во најголемата гужва и до 17, но сите дополнителни часови беа платени. По работа одевме на море, таму одмаравме и уживавме – нешто што цела година не можеш да си го дозволиш.“
Сезоната како семејна одлука
Дел од учесниците истакнуваат дека на сезонска работа одат со години по ред, а некои дури и со своите деца, што дополнително зборува за стабилноста на условите што ги имаат.
„Одиме неколку години по ред, и тоа со детето со нас. Имаме обезбеден апартман и храна. Двајцата работиме во кујна – едниот како готвач, другиот како помошник. Не се европски плати, но се солидни и коректни.“
За многумина, сезоната претставувала можност да ги стабилизираат финансиите и да обезбедат мирна зима.
„Од една сезона исплатив кредити и ми останаа пари за живот. Летото работиме, зимото одмараме.“
Угостителството – сектор со најголема заработка
Како најисплатлив сектор најчесто се споменува угостителството, особено за квалификувани работници со искуство.
„Ако си готвач, келнер или бармен и знаеш да работиш – Хрватска има најмногу пари.“
Искуствата покажуваат дека платите може значително да варираат, но дека добар договор и јасно дефинирани услови прават голема разлика.
„Сè зависи каде ќе одиш и каков газда ќе имаш. Јас поминав супер – сè ми беше платено, и редовни и плус часови.“
Некои од учесниците нагласуваат дека се враќаат секоја година:
„Одам веќе три години по ред и сум презадоволна. Кога ќе најдеш коректен работодавач, остануваш.“
Важно предупредување: Улогата на агенциите
И покрај позитивните искуства, дел од учесниците посочуваат на сериозен проблем – недостаток на грижа од страна на посредничките агенции откако ќе заминете.
„Агенцијата те испраќа, зема провизија и тука завршува приказната. Никој не те прашува дали си задоволен, дали ти се платени часовите или дали условите се како што биле договорени.“Друг учесник додава:„Би одела преку агенција само ако таа навистина ме штити за секој изработен час, а не само да ме поврзе со работодавач.“
Работниците советуваат:
- да не се заминува без потпишан договор
- однапред да се провери работната дозвола
- да се знаат точните работни часови, плата и услови за сместување
Анкетата покажува дека сезонската работа во Хрватска може да биде реална и исплатлива можност,.Најважни фактори за позитивно искуство се: информираност, јасен договор и коректен работодавач.
Доколку сте занитересирани да заминете и вие на работа во Хрватска, погледнете го онлајн саемот, ТУКА, овде директно сe пријавувате во хотелот кој ја нуди работата исто можете и да поразговарате во живо за условите и се што ве интересира.Одењето преку посредници може навистина да ви ја загорчи сезоната. Кликнете на линкот Sezonac 2026