На грчкиот остров Закинтос е уапсена 63-годишна жена, против која е поведена постапка за прекршување на законите за благосостојба и заштита на животните.
Според грчката полиција, жената е жителка на областа Ромири на Закинтос. Таа била уапсена по пријава од сопственичката на мачката, која навела дека животното било врзано за ѕид. Полицијата соопшти дека по спроведената истрага било утврдено дека станува збор за усмртување на животното.
На 63-годишната жена ѝ е изречена административна казна од 30.000 евра, а случајот е предаден на Обвинителството на Закинтос. ERT наведува дека грчката законска рамка за малтретирање и убивање животни е значително заострена и дека за вакви дела е предвидена и повеќегодишна затворска казна.
Во дополнителна објава, ERT го пренесува тврдењето на локалното здружение за заштита на животните дека мачката била задавена со врвка околу вратот.