Особено внимание привлекува заштитата од отказ. Вработените кои имаат најмалку 40 години и повеќе од 15 години признат работен стаж, под одредени услови, уживаат посебна заштита од редовен отказ. Сепак, прекинување на работниот однос е можно во случаи на особено сериозни прекршувања.
Плати до 7.567 евра бруто месечно
Примањата зависат од работната позиција и платниот ранг. Стручните асистенти заработуваат од 3.241 до 4.294 евра бруто месечно, советниците за вработување од 4.325 до 5.757 евра, додека раководителите на тимови можат да добиваат од 4.763 до 6.480 евра.
Највисоките платни нивоа достигнуваат до 7.567 евра бруто месечно. Вработените имаат право и на дополнителни исплати, вклучително и божиќен бонус, како и дополнително пензиско осигурување финансирано од работодавачот.
Од 2027 година и 31 ден годишен одмор
Работната недела трае 39 часа, а од 2027 година, според информациите што ги пренесува „Феникс магазин“, вработените би требало да добијат право на 31 ден платен годишен одмор, при петдневна работна недела.
И покрај поволните услови, агенцијата планира до 2032 година да укине околу 7.800 работни места. Според најавите, намалувањето треба да се реализира без принудни отпуштања, главно преку природен одлив на вработени кои заминуваат во пензија.