Овој тренд, познат како „rural remote work“, веќе е присутен во Хрватска и Србија, а полека се појавува и кај нас. Многумина својата професија како маркетинг-специјалисти, ИТ-стручњаци, графички дизајнери или customer support агенти ја префрлаат во домашна канцеларија – но таа канцеларија сега е во Берово, Крушево, Маврово или сопствено село.
Интернетот и можноста за фриленс и remote работа го прават ова остварливо – „планината е новата канцеларија“, како што велат некои од нив.
Покрај мирниот живот и чистиот воздух, предност е и тоа што младите ја задржуваат својата работа, но вложуваат во локални заедници, купуваат куќи, реновираат семејни домови и остануваат поврзани со земјата. Трендот можеби не е масовен, но е јасен сигнал: младите бараат квалитет на живот, не само плата.