Количините на извезен сладолед исто така се зголемија за ист процент, што потврдува дека овој производ станува сè поатрактивен на странските пазари.
Извозот на сладолед постојано се зголемува во последната деценија. Во 2015 година, вредноста на извозот беше само 4,5 милиони евра, што значи дека за 10 години, извозот се зголеми четири пати.
Особено е важно што Македонија е нето извозник на сладолед, односно извезува повеќе отколку што увезува, што е редок случај во трговската размена на земјата. Во 2024 година, увозот на сладолед изнесувал околу 3.000 тони, во вредност од 11,8 милиони евра.
Со тоа, нето ефектот од трговијата со сладолед достигна 6,4 милиони евра минатата година, што претставува позитивен сигнал за локалното производство и конкурентноста на сладоледот од Македонија на регионалниот пазар и пошироко.