Оваа одлука следеше по предупредувањата на експертите за опасностите од TPO, или Trimethylbenzoyl Diphenylphosphine Oxide, хемикалија што се користи во повеќето гел лакови за нивно стврднување под UV или LED ламби. Истражувањата покажаа дека оваа супстанца може да предизвика голем број несакани ефекти – од хормонален дисбаланс и токсичност за репродуктивниот систем, до потенцијално канцерогени ефекти.
Ризикот им се заканува не само на корисниците, туку и на работниците во салоните. Долгорочната и секојдневна изложеност на овие супстанции, особено преку инхалација, ја зголемува опасноста по здравјето на маникирите.
Дерматолозите предупредуваат дека гел лаковите не се само естетски избор, туку и здравствен предизвик – особено за тинејџерките и жените во репродуктивна возраст. „Одредени компоненти можат негативно да влијаат на плодноста и развојот на плодот“, вели дерматологот Весна Тлакер.
Сите салони за убавина во Европската Унија се обврзани да ги отстранат гел лаковите што содржат TPO до 1 септември. Сепак, како што тврдат сопствениците на салони, не сите се информирани за оваа регулатива на време, бидејќи информациите генерално ги добиваат само членовите на професионалните здруженија.
„Ако имаме производи што содржат TPO, престануваме да ги користиме“, рече сопственичка на салон, истакнувајќи дека досега не добила никакви предупредувања од дистрибутерите.
Останува да се види како оваа забрана ќе влијае на пазарот на козметика, како и дали ќе има побезбедни алтернативи што ги исполнуваат и естетските и здравствените стандарди, пренесува Блиц.