Локални врнежи од снег ќе има утре кон крајот на денот во западните, а во сабота претежно претпладне во северните делови.
Во сабота ќе дува и засилен северен ветер, што повторно ќе ја намали дневната температура.
Нов влажен бран со врнежи од дожд и снег се очекува во вторник, соопшти Управата за хидрометеоролошки работи.
Утринските температури утре ќе се движат од минус 1 до минус 9 степени, а дневните од 2 до 12 степени. Во Скопје и околината утринската температура ќе достигне до минус 6 степени, а дневната до 8 степени, информираат од УХМР.