Американските власти се обидуваат да ги прогласат за незаконски договорите кои им дозволуваат на компаниите да ја ограничат способноста на вработените да одат на работа кај конкурентите, пренесува Би-Би-Си.
Федералната трговска комисија (FTC) рече дека клаузулата за неконкуренција е „експлоататорска“ и неправедно ги ограничува можностите на околу 30 милиони Американци.
Американската стопанска комора, едно од најмоќните бизнис лобија, го нарече предлогот „еклатантно незаконски“.
Од друга страна, FTC проценува дека оваа клаузула влијае на околу еден од пет работници. Иако оваа практика долго време се поврзува со бизнисмени и високотехнолошки работници, од агенцијата велат дека клаузулата станала пракса и во други деловни области, односно ги погодува и работниците во магацините и фризерските салони.
Лина Кан, која ја предводи агенцијата, истакна дека можноста за промена на работните места ја претставува „суштината на економската слобода и конкурентна, напредна економија“.
Објавувањето на плановите за донесување правила доаѓа еден ден откако FTC објави правна постапка против неколку компании кои ги принудија работниците да потпишуваат договори за неконкуренција, вклучително и безбедноста.
Официјалните лица процениле дека ако правилото стапи на сила, работниците колективно ќе добиваат речиси 300 милијарди долари повеќе годишно.
.jpg)
