Компаниите ќе треба да имаат најмалку една жена меѓу извршните директори, а конечната одлука по ова прашање се очекува следната недела.
За Франциска Гифи, министер за жeнски прашања и семејство, ова е историска одлука. Меѓу многуте жени кои ја поздравија одлуката беше и поранешната директорка за човечки ресурси на Сименс Јанина Кугел.
Најголемата европска економија заостанува зад другите земји кога станува збор за бројот на жени во управувачките структури на компаниите. Според Фондацијата Олбрајт, жените сочинуваат само 12,8 проценти од одборите на 30 најголеми германски компании.
Во САД е 24,9 проценти, во Шведска 24,5 проценти, Велика Британија и Франција 22,2 проценти. Ниту една голема германска компанија не ја води жена.
Сепак, овој план на владата за постигнување на родова еднаквост предизвика бројни реакции. Противниците веруваат дека ова може да доведе до неоправдано унапредување на жените или чувство на неоправдано унапредување.
Многу жени од јавниот живот во Германија ја поддржаа кампањата со барање властите да донесат таква одлука. Слична обврска постои и во Белгија, Франција, Италија, Австрија и Португалија, пренесува Си-Ен-Ен.
