Новиот Cayenne Electric е поставен на унапредена PPE платформа и доаѓа во повеќе верзии. Основниот модел располага со до 441 КС, додека најмоќната Turbo Electric изведба развива дури 1.156 КС при Launch Control и забрзува од 0 до 100 km/h за само 2,5 секунди.
Сите верзии користат батерија со капацитет од 113 kWh, која поддржува ултрабрзо полнење до 400 kW, овозможувајќи полнење од 10 до 80 проценти за околу 15 минути во идеални услови.
Покрај високите перформанси, новиот електричен SUV нуди и целосно дигитализиран ентериер со OLED екрани, head-up дисплеј и напредни системи за асистенција, со што Porsche прави уште еден голем чекор кон својата електрична иднина.
