Но, зошто е важно да се крене гласот и да се зборува за плата?
Кога вработените ќе ги споделат своите искуства и информации за примањата, се создава поголема транспарентност. Така, компаниите стануваат свесни дали постојат нерамноправности, како на пример различни плати за ист труд или дискриминација по основ на пол, возраст или искуство.
Отворената дискусија ги поттикнува вработените да имаат повисоко ниво на доверба во организацијата. Кога луѓето знаат дека системот за плати е јасен и праведен, тие се чувствуваат посигурни и повеќе мотивирани.
Од друга страна, компаниите кои поддржуваат отворена култура околу платите имаат и поголеми шанси да ги задржат своите таленти и да привлечат нови, квалитетни кадри. Работодавачите кои се транспарентни покажуваат дека ги почитуваат своите вработени и дека работат на развој на фер и еднаква работна средина.
Од јуни 2026 година, прашањата за нивото на плати официјално повеќе нема да бидат табу, барем во рамките на Европската Унија. Со новата Директива за транспарентност на платите, која ќе стапи на сила, се воведуваат јасни правила: Огласите за работа ќе мора да содржат информации за нивото на плати, забрането е да се прашуваат кандидатите за нивната претходна плата, а вработените ќе имаат право да бараат информации за платите по пол и позиција. Ова е голем чекор кон праведност и еднаквост на пазарот на труд.
Сепак, разговарањето за плата треба да се прави со внимание и почит. Еве неколку совети како тоа да се направи на правилен начин:
- Избери соодветен момент и место, каде што можеш да зборуваш без притисок и на професионален начин.
- Започни со општи прашања за структурата на платите во фирмата, наместо да прашуваш директно за личните износи.
- Биди искрен, но почитувај ја приватноста на другите и не инсистирај ако соговорникот не сака да сподели.
- Секогаш одржувај разговори во духот на соработка, а не конкуренција.
За да сте сигурни каде се наоѓате на пазарот на трудот и дали твојата плата е фер, искористи ја алатката MojaPlata.mk !
Таму можеш да споредиш плати по области, позиции и искуство, да се информираш за просечните примања и да добиеш конкретни податоци кои ќе ти помогнат да водиш поаргументиран разговор за плата.
Отворената комуникација за плата не значи создавање конфликти, туку градење пофер и поздрав работен амбиент каде што секој има шанса да се развива и биде признат според својот труд.
Почни со мала промена – користи ја MojaPlata.mk разговарај за платата, слушај ги искуствата на другите и придонеси за создавање култура на транспарентност и доверба во твојата компанија.