Денот е прогласен од Обединетите нации во 2017 година, а датумот е избран бидејќи на 23 септември 1951 година е основана Светската федерација на глуви лица.
Знаковните јазици не се едноставен превод на говорниот јазик, туку самостојни природни јазици со сопствена граматика и структура. Во светот постојат повеќе од 300 знаковни јазици, кои ги користат милиони луѓе.
Според Светската здравствена организација, околу 430 милиони луѓе во светот имаат одреден степен на губење на слухот, а бројката би можела да надмине 700 милиони до 2050 година.
Во Македонија, знаковниот јазик е законски признат од 2009 година. Според проценките, околу 5.000 до 7.000 луѓе го користат македонскиот знаковен јазик како прв или примарен јазик.
И покрај законската рамка, глувата заедница и понатаму се соочува со предизвици, меѓу кои недостиг на обучени толкувачи, ограничен пристап до образование на знаковен јазик и недоволна пристапност на институциите.
Пораката што се провлекува низ борбата за правата на глувите е едноставна: „Ништо за нас, без нас.“