Градоначалникот на Скопје, Орце Ѓорѓиевски, информира дека во тек е обновата на жичницата и реконструкцијата на кабините. Во меѓувреме, се чека да пристигне моторот кој е испратен на репарирање во странство.
Жичницата беше затворена во мај годинава, откако при увид биле утврдени сериозни недостатоци поради недоволно одржување во изминатите години.
Од Град Скопје најавуваат дека приоритет е безбедноста на патниците, а повторното пуштање во употреба ќе следува по завршувањето на сите неопходни зафати и проверки.
