Ниските утрински температури се забележани во повеќе делови од земјава, а во неколку градови и планински места термометрите покажале вредности под нулата.
Покрај Скопје, каде што се измерени -3 степени, температура од -2 степени е регистрирана во Крива Паланка, Тетово, Велес, Демир Капија, Берово, Маврови Анови и на Попова Шапка.
Еден степен под нулата е измерен на мерната станица Скопје – Зајчев Рид, како и во Битола, Кавадарци и Лазарополе.
Во Прилеп, Струмица, Штип и Крушево утринската температура изнесувала нула степени, додека во Виница биле измерени 2 степени.
Нешто потопло било во Охрид и Гевгелија, со по 3 степени, а највисока утринска температура од наведените мерни места е регистрирана во Претор, каде што биле измерени 4 степени.
Попладне и вечерва се очекуваат врнежи од дожд
Според прогнозата на УХМР, времето денеска ќе биде променливо облачно, со повремени сончеви периоди.
Во попладневните часови, како и во текот на ноќта, на одредени места ќе има повремени врнежи од дожд.
Ќе дува слаб до умерен ветер од југоисточен правец, кој ќе биде поизразен долж Повардарието.
Највисоките дневни температури ќе се движат од 9 до 15 степени Целзиусови.
Какво ќе биде времето во Скопје?
Во главниот град денеска ќе преовладува променливо облачно време со сончеви периоди.
Во вечерните часови и во текот на ноќта се очекуваат повремени врнежи од дожд, проследени со слаб до умерен југоисточен ветер.
Иако утрото започна со температура од -3 степени, во текот на денот во Скопје се очекува затоплување, со максимална температура до 15 степени.