Една од нив е Ники Хенкок, експертка за вработување, која открива зошто токму човечкиот елемент и личниот пристап сè уште се клучни за да се истакнеме како кандидати.
Ники Хенкок, директорка за раст во глобалната агенција за регрутација AMS, која секоја година помага на 400 клиенти во 80 земји да вработат околу 300.000 луѓе, открива сериозен проблем што сè почесто го гледа кај апликантите: целосно користење на вештачка интелигенција во апликациите за работа.
„Кога ќе се види дека целата апликација е напишана од АИ – тоа е сериозен знак за аларм,“ вели Хенкок за CNBC Make It.
Иако е важно младите кандидати денес да покажат дека знаат да користат АИ, особено за технички улоги, прекумерната употреба, според неа, може да ги направи документите неавтентични. „Недостасува личен печат, искуство и перспектива – токму она што може да ве издвои од другите,“ вели таа.
Во последните 6 до 12 месеци, ова станува сè почест тренд, особено со масовното аплицирање преку АИ. Во просек, компаниите денес вработуваат само 1% до 5% од кандидатите што аплицираат.
Како да користите АИ на правилен начин при аплицирање?
Според стручњаците, најдобро е прво самите да изработите нацрт на вашето CV, а потоа да користите генеративна АИ за подобрување – додавање клучни зборови, нагласување резултати и квантитативни успеси.
Хенкок препорачува да се стави фокус на социјалните вештини, бидејќи работодавачите сè повеќе ги ценат. Примерите од реален живот – како сте се справиле со промени, решавале предизвици или постигнале цели – се особено важни и треба да се вклучат во биографијата или мотивациското писмо.
Во интервјуто, исто така, важно е да се надминат стандардните информации од CV-то и да се понуди лична приказна, став и вештини што ги прават кандидатите посебни, заклучува Хенкок.
Извор: cnbc.com