Избран најдобриот автомобил во светот за 2026: Овој модел убедливо победи!

Главното признание му припадна на електричниот SUV модел BMW iX3, кој покрај титулата Светски автомобил на годината ја освои и наградата за најдобро електрично возило. Ова дополнително го потврдува силниот тренд на премин кон електрификација во автоиндустријата.

Ова е првпат по 2006 година BMW да ја освои оваа престижна награда, кога признанието го доби моделот BMW 3 Series. Успехот на iX3 се смета за значајна потврда на стратегијата „Neue Klasse“, со која компанијата влегува во нова фаза на развој на електричната мобилност.

Интересно е што сите победници годинава се електрични автомобили, што јасно укажува на правецот во кој се движи глобалната автомобилска индустрија. Меѓу наградените се издвои Hyundai Ioniq 6 N, прогласен за најдобар спортски автомобил, додека моделот Firefly победи во категоријата градски возила.

Во сегментот на луксузни автомобили триумфираше Lucid Gravity, а наградата за најдобар дизајн ја освои Mazda 6e. Овие резултати дополнително потврдуваат дека електричните автомобили веќе не се само визија за иднината, туку доминантна реалност на пазарот.

За добитниците одлучуваше меѓународно жири составено од 98 автомобилски новинари од 33 земји, а гласањето беше спроведено тајно под надзор на ревизорската куќа KPMG. Возилата беа оценувани преку детални тестирања ширум светот, вклучително и заеднички тест-возења во Pasadena.

Во претходните години доминираа модели од групацијата Hyundai Motor Group, додека Volkswagen и натаму важи за најуспешен производител во историјата на овој избор. Сепак, резултатите за 2026 година покажуваат дека конкуренцијата е сè посилна, а електричната мобилност ја презема водечката улога на глобалниот автомобилски пазар.