Снежните врнежи се појавија на високите делови од Пелистер каде што падот на температурите создаде услови дождот да премине во снег.
Фотографиите споделени од Националниот парк покажуваат побелени карпести предели и делови од планината покриени со тенка снежна покривка.
Од летни температури до снег на планините
Промената доаѓа по периодот на високи температури и летно време, а студениот бран донесе значително посвежи услови низ земјава.
На високите планински предели падот на температурата е уште поизразен, па Пелистер меѓу првите ја доби својата есенска снежна покривка.
Снег во овој период од годината на највисоките делови од Баба Планина не е невообичаена појава. Пелистер се издигнува над 2.600 метри, поради што временските услови на врвовите можат значително да се разликуваат од оние во Пелагонија.
Внимателно при движење на планина
Со снегот и ниските температури се менуваат и условите за планинарење. Влажните и замрзнати површини можат да бидат лизгави, а на поголема надморска височина временските услови можат брзо да се променат.
Затоа, сите кои во овој период планираат искачување кон повисоките делови од Пелистер треба да бидат соодветно опремени и да ги следат актуелните временски услови.