Со постројувањето беше направена проверка на бројот на доброволци кои се подготвени организирано да се вклучат во гаснењето на пожари на отворен простор како дел од Тимовите за брз одговор на ДЗС.
Директорот на Дирекцијата за заштита и спасување, Стојанче Ангелов, ги претстави плановите и приоритетите за претстојната противпожарна сезона, а на доброволците им беше презентирана и новата организациска структура, чија цел е поефикасна координација и побрзо реагирање на терен.
По постројувањето беше одржан и работен состанок, на кој доброволните пожарникари разменија искуства и дадоа предлози за унапредување на системот за заштита и спасување во пресрет на летните пожари.