Според специјализираниот воздухопловен портал „Екс Ју авијација“, авиокомпанијата го ревидирала распоредот за зимската сезона 2026/2027. Наместо првично планираните 11, ќе има 14 неделни ротации меѓу двата главни града.
Тоа е зголемување и во однос на зимската сезона 2025/2026, кога „Ер Србија“ реализирала 10 летови неделно на оваа линија.
Со новиот распоред, од крајот на октомври патниците ќе имаат почести можности за патување меѓу Скопје и Белград, како и подобра поврзаност преку белградскиот аеродром.
Сите планирани летови на оваа релација ќе се реализираат со ATR 72-600, турбопропелерски авион на „Ер Србија“.