Токму таков модел се најавува во Грција. Семејствата ќе можат да уплаќаат пари на посебна сметка за детето, а државата ќе додава еднаков износ – едно евро од државата за секое евро вложено од родителите, до утврдениот лимит.
Парите би се собирале до полнолетството, за младите на 18 години да добијат почетен капитал за образование, домување или друга важна животна потреба.
Слични програми постојат и во други земји:
Канада додава околу 20% на родителските уплати за идното образование на детето.
Сингапур применува модел 1:1 – колку семејството, толку државата, до одреден лимит.
Германија планира да уплаќа по 10 евра месечно за секое дете од 6 до 18 години, но како долгорочна пензиска заштеда.
Велика Британија има посебни детски сметки за штедење и инвестирање, но државата не ги надополнува уплатите на родителите.
А Македонија?
Кај нас постојат детски и образовни додатоци за семејствата што ги исполнуваат условите, но нема систем во кој државата ја надополнува или удвојува семејната заштеда за секое дете.
Значи, додека Грција размислува како на младите да им обезбеди почетен капитал за иднината, македонските родители и понатаму главно штедат сами – ако воопшто можат да си го дозволат тоа.
Дали и Македонија треба да воведе ваква мерка?