Во деведесеттите, пристигнувањето на светски брендови во земјата се доживуваше како знак на отворањето на македонскиот пазар кон глобалните трендови. За многумина, посетата на „Мекдоналдс“ беше повеќе од обичен оброк – ресторанот стана популарно место за дружење и средби.
„Мекдоналдс“ во Македонија работеше 16 години, а во моментот на затворањето имаше седум ресторани – шест во Скопје и еден во Охрид.
Сите ресторани беа затворени на 14 мај 2013 година, по прекинот на франшизниот договор меѓу „McDonald’s Europe“ и македонската компанија „СЈ“. Иако тогаш беше најавено дека се бара решение за повторно отворање, рестораните никогаш не се вратија.
На 12 јуни 2013 година беа отстранети и ознаките на „McDonald’s“, со што стана јасно дека затворањето е трајно. Денес, првиот „Мекдоналдс“ кај многумина останува симбол на едно поинакво време и потсетник на деведесеттите.