Во текот на денот ќе има мала до умерена локална облачност. Ќе дува слаб до умерен ветер од југоисточен правец, кој повремено ќе засилува на одредени места долж Повардарието.
Утринските температури ќе се движат во интервал од 13 до 21 степен, додека дневните ќе достигнат од 33 до 39 степени Целзиусови.
Во Скопје времето ќе биде сончево и многу топло, со мала до умерена облачност и слаб до умерен ветер од јужен правец. Утринската температура ќе достигне до 19 степени, а максималната дневна до 38 степени Целзиусови.
Во наредниот период продолжува сончевото и многу топло време со мала до умерена облачност. За време на викендот ќе постојат услови за локална нестабилност, проследена со пороен дожд, грмежи и засилен ветер.
На одделни места можна е и појава на невреме со силен ветер и град, додека дневните температури на некои места се очекува да се искачат над 40 степени Целзиусови.