Италија усвои закон со кој се одобрува издавање дозволи за 40.000 сезонски работници кои не се членки на ЕУ во земјоделскиот и туристичкиот сектор во земјата, објави италијанското здружение на земјоделци Колдирети.
Уредбата се совпаѓа со почетокот на сезоната на берба на јаболка и грозје, се вели во соопштението, пренесува агенцијата Анса.
Сезонските работници ќе се вработуваат врз основа на барањата доставени до локалните канцеларии за имиграција. Странските работници вработени во земјоделството главно доаѓаат од Романија, Мароко, Индија и Албанија, иако се застапени речиси сите националности, соопшти здружението на земјоделци.
Најголем дел од земјоделците се вработени по краткорочни договори и тие работат во областите на Верона, Фриули, Трентино, Пиемонт, Емилија Ромања и Ломбардија, помагајќи во бербата и производството на јагоди, винова лоза, јаболка, грозје и млеко.
Извор: faktor.mk